§ 80 SHOW LINKS TO MANUSCRIPTS
| 1 | ueni ergo, domine Iesu, exeat corona tua, dimitte uictores in requiem, uictos ad conpunctionem. |
| 2 | etsi disperdis orbem terrarum, plura sunt inuisibilia opera tua quam quae uidimus. |
| 3 | qui angustioris est animi illa non ceris, dolet quod disperdas orbem terrarum, sed qui nouit spectare quae inuisibilia sunt gaudet ut uenias et omnes liberes. |
| 4 | gaudent athletae, qui possunt dicere: ueniat regnum tuum, fiat uoluntas tua sicut in caelo et in terra. |
| 5 | gaudebit creatura mundi, ut a uanitate mundi istius liberetur, quae nunc congemiscit et parturit, quia uanitati etiam illa creatura subiecta est, donec multiplicetur adoptio filiorum et totius corporis redemptio conpleatur. |
| 6 | in bono ergo disperdet orbem terrarum. |
| 7 | erit etenim caelum nouum et nox non erit amplius. |
| 8 | denique reuelabit, inquit, faciem eius, ut reuelata facie spectemus gloriam Christi. |